Президент Садыр Жапаров 19-апрелде Казакстанда расмий сапары менен болду. Анын алкагында “Союздаштык мамилелерди тереңдетүү жана кеңейтүү жөнүндө” келишим жана башка бир катар документтерге кол коюлду.
Башкы прокурор Курманкул Зулушев 17-апрелде парламентте отчет берди. Башкы көзөмөл органдын былтыркы иши жөнүндөгү отчетунун жүрүшүндө депутаттар оппозициялык саясатчылар менен эркин журналисттердин камакта жатышынан тарта коррупционерлер менен күрөшүүгө чейинки бир катар суроолорду беришти.
Президент Садыр Жапаров соңку маегинде буга чейинки карыз өзүн-өзү актабаган долбоорлорго салынып келгенин айтып, айрымдар "карыз көбөйүп кетти деп манипуляция кыла бериши мүмкүн, мындан ары ага көңүл бурбайбыз" деди. Ал мындан ары тышкы карыз боюнча маалымат берилбей турганын белгиледи.
Кыргыз өкмөтү накталай эмес төлөм операциялары боюнча айрым чечимдерине өзгөртүү киргизип, кыймылсыз жана кыймылдуу мүлктөрдү соодалоодо банктар аркылуу эсептешүүгө дем берүүнү сунуштады.
Кыргыз өкмөтү Ысык-Көлдүн тескейиндеги Балыкчы - Барскоон жолун курууда көйгөй жаралып, иш создугуп жатканын моюнуна алды. Эксперттер жергиликтүү компаниялардын жол куруудагы тажрыйбасы менен материалдык-техникалык дарамети жетишсиз болуп жатканын айтышууда.
Жогорку Кеңештин бейшемби күнкү жыйынында базардагы кымбатчылык маселеси көтөрүлдү. Депутаттар өкмөттүн иш-аракеттери натыйжасыз болуп, инфляция карапайым калкты каржалтып жатканын айтышты. Министрлер кабинети башталып жаткан реформалык иштер жакшы натыйжа берет деп ишендирүүдө.
Жогорку Кеңеште саламаттык сактоо министри Алымкадыр Бейшеналиевдин ишмердигин текшерүү боюнча депутаттык комиссия түзүлдү. Анын алдында депутат Жусупбек Коргонбай уулу министрди "коррупциялык схема түздү" деп айыптап чыккан. Министр айыптоолорду четке кагып, сотко кайрылганын билдирди.
Президент Садыр Жапаров талаштуу "Чет өлкөлүк өкүл" боюнча мыйзамга кол койду. Муну менен өлкөдө жарандык коомго сокку урчу документ күчүнө кирмей болду.
Ушул күндөрү бир нече кылмышка шектелип Азербайжандан алып келинген мурдагы бажычы Райымбек Матраимов мамлекеттик маалымат каражаттарынын башкы каарманына айланды. Анда Матраимовдун коррупциялык схема түзүшү жана башка кылмыштары жөнүндө айтылууда.
Москвадагы Crocus City Hall борборунда болгон теракттан кийин мигранттарга каршы ар кандай билдирүүлөр жайылууда. Арасында Борбор Азия өлкөлөрү менен визалык режимди кайра киргизүү демилгеси айтыла баштады. Кыргыз бийлиги жарандарды ар кандай кооптуу иштерге азгыруу жүрүп жатканын билдирди.
Мамлекеттик ипотекалык компания президенттин Иш башкармалыгынын карамагына өттү.
Бириккен Улуттар Уюмунун (БУУ) Инсандык өнүгүү боюнча соңку, 2022-жылдагы рейтингинде Кыргызстан 193 өлкөнүн арасынан 117-орунду ээледи.
Жаратылыш ресурстары, экология жана техникалык көзөмөл министрлиги Чүйдөгү Куттуу-Сай-2 жана Калесай кендерин “Чоң-Кемин” улуттук жаратылыш паркынын аймагынан чыгаруу боюнча Министрлер кабинетинин токтом долбоорун коомдук талкууга чыгарды.
Көп жылдардан бери башталбай келаткан “Кытай-Кыргызстан-Өзбекстан” долбоорунун тагдыры кандай болууда?
Тигүү тармагынын өкүлдөрү былтыртан бери ири буюртмалар башка жакка ооп кетип, бир катар кыйынчылыктар жаралганын билдиришүүдө.
Кыргыз бийлиги Кызыл-Омполдогу уран кенин иштетүү демилгесин кайрадан көтөрдү. Бул тууралуу президент Садыр Жапаров 19-февралда Балыкчы шаарында жергиликтүү тургундар менен жолугушуу учурунда билдирди.
Министрлер кабинети 2024-жылы социалдык маанидеги азык-түлүк түрлөрүнүн баасын өстүрбөй кармап туруу боюнча план камтылган атайын тескеме иштеп чыкканын кабарлады. Бирок ал планды жарыялай элек. Эксперттер тышкы жагдайдын таасири күчтүү болгондуктан, баалар кымбаттай берерин боолголоп турат.
Дагы жүктөңүз
